Alþjóðagjaldeyrissjóðurinn

Í ljósi algers fyrirhyggjuleysis íslenskra stjórnmála- og embættismanna á undanförnum mánuðum og þess trúnaðarbrests sem nú hefur orðið milli almennings og þeirra hlýtur það að teljast rökréttur kostur að fá erlenda fagmenn til að taka við fjármálastjórninni.

Stjórnmálaflokkarnir sem eru auðvitað vanir að hafa ítök í öllu íslensku þjóðlífi (meira að segja hafa verktakar átt erfitt með að fá að grafa skurði nema vera í réttum flokki !) eru lítt hrifnir að þessari lausn enda vanari því að koma eigin gæðingum milliliðalaust að kjötkötlunum.

Almenningur sem nú á að hamast við að "standa saman" og borga reikninginn hefur ekki efni á frekara ábyrgðarleysi og óskar eftir aðkomu fagaðila.

 

Ákvörðun á allra næstu dögum

Athugasemdir

[Greta Björg Úlfsdóttir, 18.10.2008 kl. 22:59]

Æjá, þetta úrræði virðist því miður vera eini kosturinn í stöðunni. Vonandi verður eitt af skilyrðum sjóðsins að Dabbi taki pokann sinn!

[Guðmundur Ásgeirsson, 18.10.2008 kl. 23:34]

Betra væri að gullhúða hann og stilla svo líkneskinu upp við innganginn að Seðlabankanum, komandi kynslóðum til vítis og varnaðar! ;)

[Greta Björg Úlfsdóttir, 18.10.2008 kl. 23:50]

Góð hugmynd - vonandi bara að Dabbi gleymist ekki svo að menn fari að álíta þetta styttu af gullkálfinum og tilbiðja hann.

[Ívar Pálsson, 19.10.2008 kl. 09:47]

IMF er sá sem lætur okkur borga skuldir bankanna. Við getum ekki tekið ábyrgð á fjölda þúsunda milljarða króna, sem Alþjóða- gjaldeyrissjóðurinn (IMF) lætur okkur borga.