Athugasemd frá Sigurði Böðvarssyni.

Góðan daginn gott fólk.

Ég verð fyrir vonbrigðum með þessa frétt því í henni eru mér lögð orð í munn sem eiga alls ekki við eins og þeir geta séð sem hafa fyrir því að lesa viðtalið.

Góðar stundir.

Sigurður.

 

Erfitt starf og illa launað

Athugasemdir

[Jón Bragi Sigurðsson, 7.7.2010 kl. 15:52]

Sælir

Eins og þú hefur kannske séð þá hafa spunnist líflegar umræður um kaup og kjör lækna hér á blogginu og fullyrða menn bæði eitt og annað. Þú ert sá eini sem getur leyst úr því máli og það geturðu aðeins gert með því að birta ljósrit af launaseðli þínum þar sem að vinnutími og allar greiðslur koma fram.

Ég hef fyrir því áreiðanlegar heimildir t.d. að læknar á sjúkrahúsum fái ákveðið álag á laun ef þeir velja að vinna fulla vinnu á sjúkrahúsinu en ekki á einkastofum sínum. Er það rétt eða rangt að það sé þannig í dag?

[Sigurður Haraldsson, 7.7.2010 kl. 16:11]

Það þarf að fara að vanda fréttaflutning því að hann er oft á tíðum í skjön við það sem menn segja og mjög oft er sleppt úr það sem fréttamiðlanir vilja ekki að komi fram, þessu verður að breyta því að leiðindi og mistök verða oft á tíðum fólki dýr þegar upp er staðið!

[Kolbeinn (IP-tala skráð) 7.7.2010 kl. 18:50]

Jón Bragi:

Jæja, góurinn, getur þessi Sigurður einungis „leyst úr því máli“ „með því að birta ljósrit af launaseðli“ sínum?

HVAR ER LAUNASEÐILLINN ÞINN, JÓN BRAGI SIGURÐSSON??

Viltu ekki byrja á að bera þig fyrir alþjóð áður en þú ferð að frekja þér í að heimta það sama af öðrum?? Segðu okkur svo í leiðinni hvað þú ert gamall og hvað er langt síðan þú laukst þinni skólagöngu og fórst út á vinnumarkaðinn.

Við hin getum þá á meðan skiptst á skoðunum um það sem skiptir máli í þessu efni, þ.e. atgervisflótti þessa hámenntaða fólks til útlanda af því að það getur ekki réttlætt að eyða sinni stuttu starfsævi á þeim lágu og hríðlækkandi launum sem hér eru í boði og sem hæstvirt heilbrigðisráðfrú hefur boðað í sturlun sinni að verði enn frekar skorin við trog.

[valdimar (IP-tala skráð) 7.7.2010 kl. 19:44]

Kolbeinn, er það frekja af þjóðinni (launagreiðanda) að óska eftir uppgefnum heildarlaunum lækna til þess að geta metið hvort laun þeirra séu góð eða ekki? Er ekki eitthvað bogið við þann fréttaflutning þar sem gefið er til kynna að læknir hafi svipuð launakjör og kaffibarþjónn um tvítugt.

[Einar Guðjónsson, 7.7.2010 kl. 20:40]

Fylgið nú áskorun Sigurðar og lesið frumheimildina en hún er aðgengileg á þessum vef;www.laeknabladid.is

[Katan , 7.7.2010 kl. 22:52]

Ég er hrikalega ánægð að einhver þorir að standa upp og láta allt flakka með ástandið. Stundum finnst mér eins og okkar heilbrigðisráðherra sé ekki tengd þessum Heilbrigðisheimi eftir sumar athugasemdir hennar.

Ég sem læknanemi erlendis er á því að vera ekki koma heim og ég veit að flestir þeirra sem útskrifuðust hjá okkur um daginn fara ekki heim heldur beint út í róteringu og sérnám enda ekkert sem togar okkur heim.

[Jón Bragi Sigurðsson, 8.7.2010 kl. 06:22]

Kolbeinn. Ef ég væri í því að bera mig fyrir alþjóð yfir því að ég væri á svo óheyrilega lágum launum að ég hefði í huga að flýja land þá myndi mér finnast sjálfsagt að þær upplýsingar fylgdu með hver mín raunverulegu laun eru. Það eru ýmsar tölur í gangi en einungis læknar sjálfir vita hverjar tekjurnar raunverulega eru.

Og ég hef lifað nógu lengi til þess að hafa litlar áhyggjur af því þó að læknar væli og hóti að flýja land. Það hafa þeir gert af og til frá því að ég fór að fylgjast með fréttum á áttunda áratugnum og enn hefur ekki borið á neinum læknaskorti þannig að ég held að við getum alveg tekið því rólega og hugsað um þá sem raunverulega eiga erfitt fjárhagslega vegna lágra launa.

Vil svo geta þess að héraðslæknirinn í minni gömlu heimabyggð sem er eitt minnsta læknishérað á landinu með rétt um 500 íbúa var með þrjár milljónir á mánuði síðastliðið ár sem er rúmlega 4000 krónur á hvern einasta klukkutíma ársins! Hvernig hægt er að ná slíkum launum útúr 400-500.ooo króna mánaðarlaunum er mér hulin ráðgáta. Hann tekur þó út sín frí og er oft afleysingarlæknir á staðnum þegar hann er í fríi.

[Guðrún Bryndís (IP-tala skráð) 8.7.2010 kl. 10:47]

Í grein Læknablaðsins er minnst á að það kostnaður kerfisins er óljós og erfitt að ná í upplýsingar. Í umræðunni um hagræði í kerfinu hefur skýrsla ráðuneytisins um endurskipulagningu sjúkrahúsþjónustu á suðvesturhorninu. þar er gerð kostnaðarábatagreining sem felur í sér að flytja alla þjónustu sem tengist fæðingum, kvensjúkdómum og skurðlækningum frá héraðssjúkrahúsunum á Landspítalann Háskólasjúkrahús, en flytja sjúklingana á legudeildir héraðssjúkrahúsin um leið og þeim er treystandi í ferðalag (eftir að bráðafasa lýkur). Með þessu á að nást 1.400 milljóna sparnaður.

Ég gerði minnisblað upp úr skýrslunni, þ.e. skrifaði hana á mannamáli og bendi á að þessar sparnaðaraðgerðir geti kostað umtalsvert meira á LSH - þeir sem hafa áhuga á að kynna sér hvaða aðferðir eru notaðar til að meta 'kostnaðarábata' er minnisblað um skýrsluna á sass.is og skýrslan á vef ráðuneytisins.

[Sigurbjörn Sveinsson, 9.7.2010 kl. 22:38]

Farðu vel vinur sæll og þakka þér fyrir öll árin í skuggalausu samstarfi. Hlakka til að sjá þig aftur þegar betur árar og jarðarbútar kunna að gefast fyrir litlu súlkuna fram til heiða.