Sigurður Böðvarsson

Það er auðvitað stórmerkilegt að ríkisútvarpið á föstum fjárlögum skuli vera að djöflast á auglýsingamarkaði og ekki síður að RUV skuli ekki telja eftir sér að rjúfa dagsrkárliði endurtekið vegna auglýsinga.

Þetta er það sem við fáum fyrir nauðungaráskriftina.

Þökk sé stjórnmálamönnum sem í þessu sem öðru vita hvað okkur almúganum er fyrir bestu.

	Stillimynd á SkjáEinum í kvöld
Ábyrgðarmaður færslu Tilkynna um óviðeigandi tengingu við frétt

Þetta tilboð sýnir nú reyndar þann vinarhug sem við eigum í Færeyingum og jafnframt hafa Norðmenn sýnt okkur hlýhug að undanförnu sem ég er ekki alltaf viss um að við eigum skilið.

Þar á ofan myndu þessir 6 milljarðar fara langt með að dekka Héðinsfjarðargöngin sem mér skilst að séu top-priority í samgöngumálum þjóðarinnar um þessar mundir.

	Færeyingar vilja lána Íslandi
Ábyrgðarmaður færslu Tilkynna um óviðeigandi tengingu við frétt

Í tilefni af því að ríkisforsjárhyggju/ráðstjórnararmur Sjálfstæðisflokksins rær nú lífróður til að komast hjá því að erlendir fagaðilar taki að sér fjármálastjórnina hér á landi leyfi ég mér að birta sendingu sem ég fékk frá vinkonu minni nánast óbreytta. (Ég vil einnig vekja athygli lesenda á því hvern samhljóm fyrrnefndur armur á með Alþýðubandalaginu en báðir aðilar vilja nú fyrir alla muni ganga Noregskonungi á hönd).

Rétt er að taka fram að um engar skepnur þykir mér vænna en kýr en það er önnur saga.

Hér kemur stjórnmála- og hagfræðin:

SÓSÍALISMI 
Þú átt 2 kýr. 
Þú gefur nágranna þínum aðra þeirra. 

KOMMÚNISMI 
Þú átt 2 kýr.
Ríkið tekur þær báðar og gefur þér mjólk.

FASISMI
Þú átt 2 kýr.
Ríkið tekur þær báðar og selur þér mjólk. 

NASISMI
Þú átt 2 kýr.
Ríkið tekur þær báðar...og skýtur þig svo.

SKRIFRÆÐI
Þú átt 2 kýr.
Ríkið tekur þær báðar, skýtur aðra þeirra, mjólkar hina og hellir svo allri mjólkinni.

HEFÐBUNDINN KAPITALISMI 
Þú átt 2 kýr.
Þú selur aðra þeirra og kaupir naut. Þú stofnar kúabú og hagnast vel. Þú hagnast vel, selur kúabúið og sest í helgan stein

SÚRREALISMI
Þú átt 2 gíraffa.
Ríkið krefst þess að þú farir í harmonikkunám.

BANDARÍSK FYRIRTÆKI
Þú átt 2 kýr.
Þú selur aðra þeirra og þvingar hina til að gefa af sér mjólk á við fjórar kýr. Þú ræður svo sérfræðing til að komast að því hvers vegna hún datt niður dauð. 

FRANSKT FYRIRTÆKI
Þú átt 2 kýr.
Þú ferð í verkfall, skipuleggur mótmæli og tefur umferð...vegna þess að þú vilt eiga þrjár kýr.

JAPANSKT FYRIRTÆKI
Þú átt 2 kýr.
Þú endurhannar þær þannig að þær verða tíu sinnum minni, en framleiða tuttugu sinnum meiri mjólk. Þú markaðssetur svo nýja teiknimyndahetju, „Kúmann", sem nær miklum vinsældum um allan heim.

ÞÝSKT FYRIRTÆKI
Þú átt 2 kýr.
Þú endurhannar þær þannig að þær lifa í 100 ár, éta einu sinni í mánuði og mjólka sig sjálfar. 


ÍTALSKT FYRIRTÆKI
Þú átt 2 kýr.
Þú veist ekki hvar þær eru niðurkomnar. Þú ákveður að fá þér að borða.

RÚSSNESKT FYRIRTÆKI
Þú átt 2 kýr.
Þú telur þær og kemst að því að þú átt 5 kýr.
Þú telur þær aftur og kemst að því að þú átt 42 kýr.
Þú telur þær enn og aftur og kemst að því að þú átt 2 kýr.
Þú hættir að telja og opnar aðra vodkaflösku.

SVISSNESKT FYRIRTÆKI
Þú átt 5000 kýr. Engin þeirra tilheyrir þér í raun. 
Þú rukkar eigendurna fyrir geymsluna. 

KÍNVERSKT FYRIRTÆKI 
Þú átt 2 kýr.
Þú ræður 300 manns til að mjólka þær. Þú segir atvinnuleysi í lágmarki og blómstrandi landbúnað. Þú handtekur fréttmanninn sem sagði frá stöðunni eins og hún er í raun og veru. 

INDVERSKT FYRIRTÆKI
Þú átt tvær kýr. 
Þú tilbiður þær. 

BRESKT FYRIRTÆKI
Þú átt tvær kýr.
Báðar eru með gin-og klaufaveiki 

ÁSTRALSKT FYRIRTÆKI
Þú átt 2 kýr.
Bissnessinn gengur vel. 
Þú lokar skrifstofunni og færð þér nokkra kalda til að halda upp á það. 

NÝ-SJÁLENSKT FYRIRTÆKI 
Þú átt tvær kýr.
Sú til vinstri er asskoti löguleg.  

ÍRASKT FYRIRTÆKI
Allir virðast eiga fjölda kúa. 
Þú segir öllum að þú eigir enga. 
Enginn trúir þér svo þeir sprengja þig í tætlur og ráðast inn í landið. 
Þú átt enn engar kýr, en þú býrð þó amk í lýðræðisríki núna... 

ÍSLENSKA FYRIRTÆKIÐ
Þú átt 2 kýr.
Þú selur 3 þeirra til fyrirtækis á opnum markaði með veði í gervifyrirtæki mágs þíns, gengur svo frá yfirtöku með vísan í skráningu á markaði þannig að þú færð allar 4 kýrnar tilbaka og skattaívilnanir vegna einnar til viðbótar. Afurðarétturinn af kúnum 6 er færður yfir á fyrirtæki í Karíbahafinu, en leynilegur meirihlutaeigandi þess selur þér aftur réttinn að öllum 7 kúnum. Samkvæmt ársskýrslu á fyrirtækið nú 8 kýr, með eigendarétti að einni til viðbótar. Þú selur eina kú til þess að þóknast ónefndum stjórnmálamanni og átt þá níu kýr. Rétturinn að nautinu er seldur almenningi í hlutafjárútboði.